DITO Telecommunity sa loob ng Kampo ng Militar, Pinangangambahan?

 Inanunsiyo ni Department of National Defense Secretary Delfin Lorenzana na inaprubahan na niya ang kasunduan na nagpapahintulot na magtayo ng ikatlong tower ng DITO Community sa loob ng kampo ng militar. 

Ang balitang ito ay ikinababahal  ng karamihan. 

Ang DITO Telecommunity kasi ay isang consortium ng Udenna Corp at Chelsea Logistics kasama ang China Telecom. 

Sa ilalim kasi ng 2019 memorandum of agreement ng DITO Community at Armed Forces of the Philippines (AFP) na inaprubahan ni Lorenzana, maaaring magtayo ng cell towers ang kompanya hanggat may nauna ng cell towers ang Globe at smart. 

Isa sa mga nagbigay ng pahayag ukol sa pangamba na ito ay si Congressman Representative Rufus Rodriguez. 

Ayon sa kanya, "Delikado yan dahil alam naman na may conflict tayo with China. It's very clear in the West Philippine Sea nanalo na tayo sa International Tribunal and yet they are not acknowledging itong ating panalo."

Peligroso di umano itong tower na itatayo sa loob ng kampo dahil may koneksiyon ito sa China. 

"Will we allow this Chinese-backed telecom to enter our camps, and then observe, take pictures of our camps and then be able to get info of what our camps are?" tanong ni Rodriguez. 

Pahayag naman ng DITO COMMUNITY hindi nila gagamitin ang kanilang pasilidad upang makasagap ng mga sensitibong impormasyon sa loob ng militar. 

Ani ni  Adel Tamano, DITO Telecommunity chief administrative officer, "DITO Telecommunity guaranteed that its devices, equipment, and structures shall not be used to obtain classified information from the Armed Forces."

Sabi naman ni AFP spokesperson Maj. Gen. Edgard Arevalo, hindi nila hahayaang mangyari ito.

"Naglagay din naman po tayo ng mga kaukulang safeguards. May mga IT and ICT experts din tayo within the Armed Forces na nakakaalam ng ganyang mga bagay. Nag-institute din tayo ng measures upang sa gayon, hindi naman ma-compromise ‘yung matters ng national security," ayon kay Maj. Gen. Edgard Arevalo.